Nutricionisti su za portal Eating Well izdvojili pet najboljih namirnica bogatih vlaknima, koje preporučuju osobama s dijabetesom.
Slanutak Slanutak je idealna namirnica za sve koji žele unijeti više vlakana i proteina bez velikih promjena u jelovniku. Pola šoljice kuvanog slanutka sadrži oko 117 kalorija, šest grama proteina, 19 grama ugljenihhidrata i pet grama vlakana. Upravo kombinacija vlakana i proteina usporava probavu, čime se sprječava nagli skok šećera u krvi.
Chia sjemenke Jedna kašika chia sjemenki (oko 15 grama) sadrži gotovo pet grama vlakana, uz dva grama proteina i četiri grama zdravih masti. Uprkos maloj količini, ove ukusne sjemenke imaju snažan učinak na zdravlje. Zanimljivo je i istraživanje koje je pokazalo da su osobe s dijabetesom tipa 2 i povišenim pritiskom, koje su svakodnevno konzumirale 40 grama chia sjemenki tokom 12 nedjelja, imale znatno niži sistolički pritisak od onih koji ih nisu konzumirali, prenosi Eating Well.
Edamame Nedozrela, mekana i slatka zrna soje, poznata kao edamame, sadrže oko osam grama vlakana i 18 grama proteina u jednoj šoljici kuvanih zrna. Upravo ta kombinacija pomaže usporiti probavu i pridonosi boljoj kontroli nivoa šećera. Možete ga poslužiti kao grickalicu (samo ga skuvajte i posolite) ili dodati u salate, variva i zdjele sa žitaricama.
Maline Osim što su ukusne, maline su i odličan izvor vlakana. Jedna šoljica sadrži osam grama vlakana i samo 64 kalorije. Istraživanja upućuju na to da konzumacija crvenih malina može poboljšati osjetljivost na insulin i pomoći u boljoj regulaciji glukoze, iako su potrebna dalja istraživanja.
Avokado Avokado je poznat po visokom sadržaju nezasićenih masti, ali često se zaboravlja da je i odličan izvor vlakana. Polovica avokada sadrži oko sedam grama vlakana i 15 grama zdravih masti, što je trećina preporučenog dnevnog unosa vlakana za žene i gotovo četvrtina za muškarce.
Zahvaljujući sporoj probavi, avokado pomaže u održavanju stabilnog nivoa šećera u krvi i pridonosi zdravlju srca smanjenjem lošeg (LDL) i povećanjem dobrog (HDL) holesterola.
