Dva gola crnogorskog napadača Aleksandra Boljevića donijeli su pobjedu Željezničaru (2:1) protiv šampiona Borca iz Banjaluke na zatvaranju sezone u Premijer ligi Bosne i Hercegovine.
Borac je u prošlom kolu proslavio titulu, dok je Željezničar turbulentnu sezonu, u kojoj se čak borio za opstanak, završio na 6. mjestu.
Boljević, nekadašnji napadač Zete, PSV-a, Standarda iz Liježa i brojnih drugih klubova, proradio je na zatvaranju sezone.
U posljednjem kolu i još jedna pobjeda Zrinjskog, Željka Petrovića, čak 16. uzastopna računajući i u Kup – 4:1 na gostovanju Igmanu.
Petrovićev tim završio je kao drugi sa dva boda manje od Borca, a u srijedu je osvojio Kup.
