Beograđani još imaju šanse da osvoje prvo mjesto pred plej of.
“Od našeg prethodnog meča promijenio se sastav ekipe Mornara, ali je sistem trenera Pavićevića ostao isti. Brza košarka, sa mnogo tranzicije i šuteva. Neugodna utakmica kojoj pristupamo maksimalno ozbiljno, i u kojoj želimo da dobrom igrom dođemo do pobjede” rekao je Ivanović.
Na sličan način razmišlja i prvotimac Beograđana Ognjen Dobrić.
“Gostovanje u Baru uvijek predstavlja neugodnu utakmicu, posebno ako u meč ne uđete čvrsto i angažovano. Stil igre koju gaji trener Pavićević se ne mijenja, mnogo posjeda, brza igra, puno šuteva. Takav ritam morate da iskontrolišete ako želite dobar rezultat, a mi ga želimo jer se dobra atmosfera gradi samo pobjedama”, rekao je Dobrić.
Mornar i Crvena zvezda igraće sjutra od 19 sati.
