Fudbaleri Mančester sitija savladali su danas, uz dosta muke, u gostima Lejton 2:1 i plasirali se u osminu finala FA kupa.
Gubili su „građani“ 1:0, ali su onda u nastavku uspjeli da postignu dva pogotka, spriječili iznenađenje i plasirali se u narednu rundu.
Utakmica je počela šansom za goste, Gundogan je bio neprecizan, a onda su domaći u 16. minutu poveli, kada je Donli šutirao skoro sa centra, lopta pogodila prečku i od golmana Ortege se odbila u gol.
Bila je to najava teškog meča, koji građane očekuje. Imali su gosti inicijativu, prilike su propustili Savinjo i Marmuš, a u finišu prvog dijela na drugoj strani nije bio precizan Perkins.
U drugom dijelu su gosti uspjeli da dođu do izjednačenja. Siti je dobio korner, nakon kratke kombinacije je Luis šutirao, lopta zakačila Husanova i završila u mreži.
Nakon toga je Mekati pogodio stativu, neprecizan je bio Gundogan, a onda je u igru ušao De Brujne, koji je golom u 79. minutu postavio konačan rezultat.
