Nevladina organizacija „Prijatelji životinja Podgorica“ i u mjesecu maju nastavlja sa humanitaernom akcijom „Naše malo njima znači mnogo“ u nadi da će naš apel za pomoć naići na razumijevanje humanih ljudi, ljubitelja životinja, kao i društveno odgovornih kolektiva, kako bismo svi zajedno pomogli velikom broju napuštenih životinja, koje borave na javnim površinama bez hrane i veterinarske njege.
Koristimo ovu priliku da pozovemo sve one koji osjećaju empatiju prema napuštenim životinjama, da se priključe našoj humanitarnoj akciji, uz napomenu da i najmanji vid pomoći može jako puno značiti. Takođe želimo da naglasimo da će sva prikupljena sredstva biti upotrijebljena isključivo za hranu i liječenje onih životinja koje se nalaze na javnim površinama i koje su lišene bilo čije pomoći, a takvih na žalost ima jako puno.
Na samom kraju obavještavamo sve humane ljude da donacije mogu uplatiti na naš žiro račun: 535-16574-21 (Prva banka Crne Gore) ili naš lično kontaktirati na društvenim mrežama Facebook i Instagram. Unaprijed hvala svima onima koji na bilo koji način pomognu da ova humanitarna akcija bude koliko toliko uspješna.
