Vozač Mercedesa Džordž Rasel osvojio je pol poziciju za trku Formule 1 za Veliku nagradu Kanade.
Rasel je ostvario vrijeme od 1:12,000 minuta, a identično vrijeme je imao i aktuelni svjetski šampion Maks Ferstapen iz Red Bula, ali je pol pozicija pripala Raselu pošto je prvi postavio najbrže vrijeme.
U drugom startnom redu našao se dvojac iz Meklarena – Lando Noris i Oskar Pijastri . Noris je treći sa 0,021 sekundom zaostatka za vodećim dvojcem, a Pjastri je četvrti sa 0,103 sekunde zaostatka.
Peto mjesto osvojio je Danijel Rikardo , šesti je bio Fernando Alonso , dok će Luis Hamilton startovati sa sedme pozicije. Do desete pozicije su još i Juki Cunoda , Lens Strol i Aleks Albon .
Trka za Veliku nagradu Kanade počinje od 20 sati.
