15 kašika rogača
12 kašika šećera (može i neka zamjena za šećer)
15 kašika brašna
3 kašike kakao-praha
Kesica praška za pecivo
20 kašika jogurta
15 kašika ulja
150 g čokolade za kuvanje
50 ml neutralne pavlake za kuvanje
50 g margarina
Kokosovo brašno (po želji)
Pomiješati sve suve sastojke, pa dodati jogurt i ulje i sve umiješati da se dobije jedinstvena smjesa. Pleh obložiti papirom za pečenje ili podmazati uljem i brašnom.
Rernu zagrijati na 200 stepeni, pa peći kolač na 180 stepeni oko 10 minuta, dok se ivice kolača ne odvoje od pleha. Ostaviti kolač da se ohladi.
Na blagoj vatri staviti pavlaku, pa dodati čokoladu. Kada se otopi, dodati margarin da smjesa postane gušća i miješati. Preliti ravnomjerno preko kolača.
Kolač posuti kokosovim brašnom, a po želji možete dodati i isjeckano sezonsko voće preko kokosa.
Mala zamjena za bolji ukus
Umjesto margarina možete koristiti maslac za još bolji i kremastiji ukus. Potrebno je samo da ga otopite sa čokoladom, a kada polivate, viljuškom napravite rupice u tijestu kako bi kolač iznutra upio čokoladnu slast.
