Predsjednica Sindikat državnih službenika i namještenika Tamara Goliš podržala je štrajk Sindikata prosvjete.
„Sindikat državnih službenika i namještenika snažno podržava borbu Sindikata prosvjete za odbranu prava, pravde i dostojanstva prosvetnih radnika. Ne želimo društvo u kome se granski kolektivni ugovor, koji ima rang zakona, bez riječi najave i obrazloženja, prosto ignoriše i neprimjeni. Ne želimo društvo u kome se manipuliše sa osnovnim pravima iz rada, kao što je parvo na zagarantovanu zaradu i pravo na štrajk. Ne želimo društvo u kome se pritiscima i dezinformacijama pokušava uticati na slobodno izraženu volju zaposlenih da stupe u štrajk“, izjavila je Goliš, pa dodala:
„Ukoliko danas ostanemo nijemi i pasivni, ostvarivanje naših Ustavom, zakonom i kolektivnim ugovorom garantovanih prava i slobodna sutra može biti dovedeno u pitanje“, istakla je Goliš.
Za kraj je poručila:
„Stoga, nezadovoljstvo zaposlenih u prosvjeti cijenimo opravdanim i podržavamo štrajk Sindikata prosvjete kao legitimni vid sindikalne borbe usmjeren na zaštitu prava na kolektivno pregovaranje, pravo na poštovanje zakona i kolektivnih ugovora, pravo na pravnu sigurnost i vladavinu prava“, zaključila je Goliš.
