Još jedna loša partija košarkaša Čikago Bulsa u NBA ligi i čak 15. poraz u sezoni.
Ekipa Bilija Donovana je na svom parketu izgubila od Nju Orleansa 114:104.
Jednostavno, nisu mogli Bikovi da se nadaju nečem bolje, kad su rivalu u posljednjem periodu dozvolili da se razmaše i ubacio gotovo 40 poena, a kad se tako nešto desi, onda povratka nema.
U pobjedničkom timu su se istakli Džeremaja Firs i Trej Marfi sa 20 poena, dok je na drugoj strani isto toliko imao Kobi Vajt.
Naš Nikola Vučević je imao 12 poena, osam skokova i četiri asistencije.
Nije se proslavio u šutu iz igre, iz 16 pokušaja samo u pet navrata je loptu ubacio kroz obruč.
