Tomas Tuhel odlazi iz Bajerna na kraju sezone, a ko će dobiti zadatak da “probudi” uspavanog giganta iz Minhena – legenda kluba i Njemačke Lotar Mateus ponudio je rješenje.
“Trener kojem vjerujem da bi mogao preuzeti posao u Bajernu je Sebastijan Henes. Trebao bi da dobije podršku u klubu, a njegovo prezime dovoljno govori o tome. Henes ima gen Bajerna i napravio je dobar posao kao trener njegove druge ekiše. Nezavisno od toga što nije ostvario velike uspjehe, sve što radi u Štutgartu je dobro i još je na putu prema Ligi šampiona”, kaže Mateus.
Henes i Štutgart se trenutno nalaze na trećem mjestu Bundeslige sa 47 bodova – šest manje od Bavaraca.
Sebastijan je inače rođak počasnog predsjednika Bajerna Ulija Henesa i na to je Mateus mislio kada je napisao da “njegovo prezime dovoljno govori”.
