Napadač Atalante Ademola Lukman je pokupio vrijednu pojedinačnu nagradu – izabran je za afričkog igrača godine.
Nigerijac je prošle sezone sa timom iz Bergama osvojio Ligu Evrope, a sa nacionalnim timom drugoplasirani na Kupu afričkih nacija.
„Prije četiri godine je moja karijera bila loša, ali sada sam tu kao najbolji igrač Afrike. Ne dozvolite da vam neuspjesi zaustave snove”, rekao je Lukman na ceremoniji Afričke fudbalske konfederacije u Maroku.
Lukman je prije Atalante igrao za Čarlton, Everton, Lajpcig, Fulam i Lester.
