U saobraćajnoj nesreći u mjestu Pašino Brdo kod Sjenice noćas su poginule tri osobe, među kojima i dvogodišnja djevojčica. Troje povrijeđenih je prebačeno u bolnice u Novom Pazaru, Kragujevcu i Beogradu, prenose srpski mediji.
U nesreći koja se noćas dogodila na putu Sjenica-Nova Varoš kod mjesta Pašino Brdo poginuli su H. F. (41), njegova dvogodišnja ćerka, kao i Dž. K. za kojeg se sumnja da je izazvao udes.
Prema nezvaničnim informacijama, sumnja se da je udes izazvao Dž. K. koji je tokom preticanja kolone direktno udario u automobil kome je bila petočlana porodica iz Novog Sada koja se vraćala iz Sarajeva.
H. F. je poginuo na licu mjesta, dok su njegova supruga, sin i dvije ćerke odmah prebačeni u bolnicu u Novom Pazaru, gdje je po prijemu preminula dvogodišnja djevojčica.
Vozač drugog automobila Dž. K. preminuo je u bolnici u Užicu.
Jedan povrijeđeni je zadržan u bolnici u Novom Pazaru, a dvoje povrijeđenih je prebačeno u bolnice u Kragujevcu i Beogradu.
