Bademovo mlijeko je biljna alternativa za mlijeko, koja u poslednje vrijeme postaje sve popularnija i kod nas, naročito među veganima.
Zbog visoke nutritivne vrijednosti badema, ovaj napitak vrlo je zdrav, a uz to može biti odlična izbor za sve one koji su alergični na laktozu.
Iako bademovo mlijeko danas možete pronaći u svim marketima, dobra vijest je da ga lako, uz malo strpljenja, možete napraviti i kod kuće. U nastavku otkrijte kako:
Sastojci:
1 šolja sirovih badema
3 šolje vode plus još za potapanje badema
1 kašika agavinog sirupa
prstohvat morske soli
Priprema:
Stavite bademe u posudu, pa prelijte vodom tako da ogreznu i ostaviti ih tako najmanje 12 sati.
Nakon toga, ocijedite bademe.
Izmiješajte bademe i 3 šolje vode u blenderu na maloj brzini 10 sekundi, pa isključite blender na 5 sekundi. Nakon toga mešajte bademe i vodu na velikoj brzini 60 sekundi, pa procijedite smjesu kroz gazu ili čistu suvu krpu.
Uklonite pulpu ili je sačuvajte za drugu upotrebu.
Očistite blender, pa vratite mlijeko u njega. Dodajte agavin sirup i so, pa blendajte mlijeko dok ne postane glatko.
Konzumirajte samostalno ili kao dodatak ovsenoj kaši, smutijima i drugim zdravim jelima.
Savjet kuvara:
Umjesto agavinog sirupa, slobodno možete koristiti med, javorov sirup ili drugi zaslađivač po želji.
