Predsjednik Irana Masud Pezeškijan izjavio je danas da Iran „ne traži rat, ali nikada neće sjediti skrštenih ruku pred bilo kakvom agresijom“, prenijeli su iranski mediji.
U svom jutrošnjem obraćanju, prije nego što je napustio Teheran i otišao u Kirgistan na 26. samit Šangajske organizacije za saradnju, Pezeškijan je izrazio nadu da će se, kroz konstruktivne dijaloge, na ovom samitu dokazati sposobnost lidera da upravljaju, prenosi agencija TASNIM.
„Ovaj samit je veoma važan i većina lidera regiona biće prisutna. U situaciji kada neke međunarodne institucije nastoje da stvore jedinstven prostor u svijetu, ovaj samit se smatra simbolom postojanja različitih i nezavisnih glasova na globalnoj sceni“, rekao je Pezeškijan.
