Dok kuburimo sa produženim boravcima u školama, a privatnih se otvara sve više, Glavni grad planira da sa 100 eura mjesečno od naredne godine pomogne roditeljima, koji plaćaju boravak djece.
Iako smanjenje troškova svakoga raduje, u Udruženju roditelji ovo ne vide kao rješenje na duge staze, kakvim ga najavljuju iz Glavnog grada.
Izdvajanje 2 miliona eura godišnje za subvencije otvara i pitanje šta će biti sa produženim boravkom u školama – zašto država u njih nije uložila i je li ovo uvod u njihovo moguće gašenje, ako se i druge opštine povedu podgoričkim primjerom.
