U Beogradu je danas otvorena konferencija “Euronews Adria Summit“, a predsjednica Narodne skupštine Ana Brnabić istakla je da je strateški cilj Srbije da postane punopravna članica EU, a da je strateški interes da čitav Zapadni Balkan bude dio EU uz ocjenu da je to jednako dobro i za Srbiju, region, ali i za samu EU.
Brnabić je na otvaranju konferencije u Palati Srbija, čiji je cilj pokretanje platforme za razgovor o ključnim društvenim, političkim i ekonomskim temama Zapadnog Balkana, rekla da taj samit dolazi u pravom trenutku kada se Srbija bori za otvaranje Klastera 3 i ukazala da je jedna od glavnih stvari koja se zamera Srbiji narativ o EU. “A ovakva konferencija služi za promjenu tog narativa.
Strateški cilj Srbije je da postane punopravna članica EU i to ponavljanje je postalo kao politička floskula koja ne znači ništa, a rijetko se pitamo zašto želimo da budemo dio EU i da li želimo da čitav Zapadni Balkan bude dio EU“, rekla je Brnabić.
