Šef hrvatske diplomatije Gordan Grlić Radman izjavio je da ta država traži da se školski brod Jadran vrati u luku Split iz Crne Gore, a ako se to ne može riješiti dogovorom, kako je naveo, može se razmotriti mogućnost uključivanja međunarodnih sudova.
Grlić je za HRT kazao da je Jadran „hrvatski brod koji se u trenutku raspada bivše države našao na remontu u Tivtu i tu ostao“.
„Očekujemo povratak školskog broda Jadran u matičnu luku Split. Vrijeme prolazi, moramo to što brže rješavati“, rekao je Grlić-Radman, pa dodao:
„Mi ga smatramo otuđenom imovinom. Ako se to ne može riješiti bilateralno i dogovorom, možemo razmotriti mogućnost uključivanja međunarodnih sudova“, poručio je Grlić-Radman.
