Kombinacija tjestenine, tune, slanutka i kiselih krastavaca uz kremasti preliv daje ukusan i zasitan obrok koji možete poslužiti za ručak ili večeru.
Sastojci:
200 g tjestenine
1 velika konzerva tune u komadima, ocijeđena
150 g kuvanog slanutka ili slanutka iz konzerve
5 kiselih krastavaca
4 kašike majoneza
3 kašike kisele pavlake
1 kašičica senfa
1 kašika limunovog soka
so po ukusu
svježe mljeveni crni biber
prstohvat sušenog bijelog luka ili malo sitno sjeckanog svježeg bijelog luka
malo peršuna
Priprema:
U većem loncu prokuvajte posoljenu vodu, a zatim skuvajte tjesteninu prema uputstvu na pakovanju. Vodite računa da ostane al dente. Nakon kuvanja je ocijedite i kratko isperite hladnom vodom kako bi se brže ohladila. Za ovu salatu posebno odgovara fusilli tjestenina.
Dok se tjestenina kuva, ocijedite tunu i lagano je usitnite viljuškom. Ako koristite slanutak iz konzerve, isperite ga vodom i ocijedite. Kisele krastavce sitno nasjeckajte ili narežite na tanke kolutove.
U većoj zdjeli pomiješajte majonez, kiselu pavlaku, senf i limunov sok. Dodajte malo soli, bibera i bijelog luka po ukusu, pa sve dobro promiješajte dok ne dobijete kremasti i ujednačeni preliv.
U zdjelu sa prelivom dodajte ohlađenu tjesteninu, tunu, slanutak i kisele krastavce. Sve lagano promiješajte kako bi se preliv ravnomjerno rasporedio po svim sastojcima.
Salatu možete poslužiti odmah, ali će biti još ukusnija ako je ostavite u frižideru 20 do 30 minuta. Prije serviranja možete je posuti svježe nasjeckanim peršunom.
