Karlos Alkaras uspješno je započeo odbranu titule na Mastersu u Indijan Velsu, savladavši Kventina Alisa sa 6:4, 6:2 za nešto više od sat vremena igre.
Iako rezultat djeluje ubedljivo, statistika ne ide u prilog Špancu – imao je više neiznuđenih grešaka nego vinera, dok njegov protivnik nije uspio da zabilježi nijedan viner u prvom setu. Ipak, Alkaras je bio siguran kada je bilo najvažnije, izgubivši samo jedan poen nakon ubačenog prvog servisa.
Ovom pobjedom Alkaras je produžio niz nepobjedivosti u na ovom turniru na 13 mečeva i nastavio pohod ka trećoj uzastopnoj tituli – podvig koji su ranije ostvarili samo Novak Đoković i Rodžer Federer.
U trećem kolu ga čeka Denis Šapovalov, koji je eliminisao Adama Voltona.
