Barselona, Panatinaikos i Žalgiris upisali su sigurne pobjede kod kuće u 24. kolu Evrolige.
Katalonci nisu imali problema protiv Virtusa 84:57.
Na odmor su otišli sa 14 poena prednosti, što je bilo dovoljno da u nastavku kontrolišu utakmicu.
Upisali su 16. pobjedu i izbili na drugo mjesto sa jednom više upravo od tima iz Bolonje.
Vili Ernangomes postigao je 17 poena, jedan više od Nikolasa Laprovitole, dok je u ekipi Virtusa Ajzea Kordinije upisao 12 koševa.
Atinjani su kod kuće nadigrali Olimpiju Milano 79:62.
Do poluvremena su riješili utakmicu jer su nakon 20 minuta vodili 43:28.
Panatinaikos su do 15. pobjede u sezoni predvodili Marius Grigonis sa 15, odnosno Huan Ernangomes i Matijas Lesor sa po 12 koševa.
U italijanskom timu koji je ostao na 12 trijumfa istakli su se Šabaz Nejpir sa 16 i Nikola Mirotić sa 12 poena.
Žalgiris je deklasirao Anadolu Efes 96:70 za deveti trijumf u sezoni.
Laurinas Birutis upisao je 18, dok su Manek, Šmits i Ulanovas upisali po 13 koševa.
U poraženoj ekipi iz Istanbula 19 poena Vila Klajburna, 17 je upisao Darijus Tompson.
